News and Events‎ > ‎

سەرۆکى کۆمەڵەى دۆستایەتى ژاپۆنى و کوردستان و ئەمیندارى نهێنى دەستەى پەرلەمانى بۆ دۆستایەتى ژاپۆنى و کوردستانى لە کولێجى یاسا سیمینارێکى زانستى ئەنجامدا

posted Dec 17, 2018, 7:08 AM by College of Law | University of Sulaimani   [ updated Dec 24, 2018, 12:12 AM ]
رۆژى پێنج شەمە 13/12/2018  لەهۆڵى گفتوگوى کولێجى یاسا ،بەهاوکارى لیژنەى زانستخوازى بەردەوام سیمینارێکى زانستى ئەنجامدا بۆ بەرێز ئەکینۆبۆ کینوشیتا سەرۆکى کۆمەڵەى دۆستایەتى ژاپۆنى و کوردستان و ئەمیندارى نهێنى دەستەى پەرلەمانى بۆ دۆستایەتى ژاپۆنى و کوردستانى سەبارەت  بە سیستەمی سیاسی ژاپۆن پێش جەنگی جیهانی دووەم و دوای جەنگی جیهانی دووەم....دواتر  لە کەشێکی زانستایانەدا لە لایەن مامۆستایان و خۆیندکارانەوە پرسیارەکان ئاراستەی بەرێزیان کرا و ئەویش وەڵامی دانەوە ...لە کۆتایدا هەمووان هیوای بەردەوامی ئەم جۆرە سیمینارەیان  خواست
 لەو سیمینارەدا  هیوا جاف کەیەکێکە لەهاوکارانى کۆمەڵەى دۆستایەتى ژاپۆن _ کورد ڕایگەیاند ئەم رێکخراوە لەساڵى 2009 لەتۆکیۆ دروست بوو لەلایەن بەرێز کینۆشکا و،سکرتێرى کۆمەڵەکە وەقاس چەند ئەندامێکى تر، وەکو ڕێزێک بۆکورد ویستیان پەیوەندییەکى هاوکارى ومرۆییانە لەبوارەکانى کەلتوور وخوێندن ەوە کورد  بناسێنن بەژاپۆن ،چونکە تائێستا وەک پێویست نەناسێنراوە ،ووتیشى لەساڵى 2015 بیرۆکەى ئەوە دروست بووپەرلەمانى ژاپۆن بریاریاندا کۆمەڵەیەک بەناوى کۆمەڵەى پەرلەمانتارانى دۆستایەتى کورد_ژاپۆن دروست بکەن تائێستا پەرلەمانتارەکان لەهەموو حیزبەکانى خولى پێشووى پەرلەمان بانگ کراون بۆئەوێ  ،ئەم ڕێکخراوە بۆیە ناوى کوردستانە چونکە تەنها بۆ هەرێم نیە لەگەڵ رۆژئاوا، و رۆژهەڵات  وباکوریشدا پەیوەندییان هەیە   .

وتیشى ئەوەى جێى خۆشحاڵییە کەیادداشتێکى لێکتێگەیشتن لەگەڵ زانکۆى سلێمانى واژۆ کردووە کەلە ئاییندەدا بتوانن کاربۆ زانکۆى سلێمانى بکەن چ لەڕووى ئەکادیمییەوە بێ لە هێنانى مامۆستاوە بێ بۆ ڕاهێنان یا بەپێچەوانەوە لێرەوە فێرخواز بینێرن  .

هیوا جاف ڕایگەیاند باشترین شوێنیش بەلامانەوە زانکۆکانە بەنیسبەت زانکۆى سلێمانى بۆ ئاڵوگۆرى ئەکادیمى بانگهێشتکردنى خوێندکاران ،بریارە لە زانکۆ بەشێکى ژاپۆنى ئەگەر بکرێتەوە هەر خوێندکارێک ئەگەر بیەوى َ بروات بۆ ژاپۆن خوێندن لەوێ دراسە بکات ئاسانکارى بۆدەکرێ ئەمەش دەکەوێتە سەر حکومەتى ژاپۆنى ڕەزامەندى بکات .

 ڕاگەیاندنى کۆلێجى یاسا

کۆمەڵەى دۆستانى ژاپۆن_ کوردستان